وردة اشتكت الي

وردةً في انتظار الربيع العربي .....

الوردة إشكتلي وقالتلي
إنها ضعيفة حكتلي
قالتي الريح بتهب عليا
كل شويا دايرة بيا
وكل العواصف حواليا
قلتلها صبرك يا عنيا
هيا الدنيا ديماً كده
مرة نكد مرة هناء
وبكرة الجو يتعدل
وتطلع معاه شمس الأمل
بكرة النسمة العليلة
تمر حلوة جميلة
ويتحقق كل المنا
الوردة قالتلي مسجونة
في أصيص جوا بلكونة
بلكونة قضبانها حديد
عايزة أهرب منها أروح لبعيد
بس قضبانها حيطاني
آذيني آشتكيلك يا زماني
قلتلها ولو مسجونة آذيك
بتشوفي النور
خليك ويا الحديد على ظلم الزمان صبور
ولو اختار ما كان سجان
وكان بقى جسر آمان
خليك وياه شعاع النور
ولو كثر ظلم الإنسان
الوردة قالتلي حايطاني الإيدين
من كل ناحية
من الشمال ومن اليمين
قلتلها إنتي نن العينين
إنتي فرحة وإنتي أمل
إنتي جمال أحلامنا معاه بتكتمل
إنتي للقلب حبيبة
صفراء أوحمراء أو حتى ألوان غريبة
ألوانك حلوة وليك هيبة
أبداً أبداً ما تخافيش
وقلبك يا روحي ما تزعليش
الورد حلو وجميل
ولو طال بيه ظلام الليل
بكرة حيطل الصباح
وحيبقى بالك مرتاح
وحتعيشي الجو العليل
وجمالك أقوى سلاح
الوردة أشتكتلي وبكتلي
الريح بتطير ورقاتي
وبخاف على قلبي وحياتي
شايفة الإيدين امتدتلي
قلتلها ومن دايم فيها
وكل حياة والموت حواليها
كل حياة وليها موت
أبداً طريقه ما ح تفوت
بس بينهم حلو المكوث
ونبض قلبك محليها

يا ورد وقف ما تشتكتيش
كفاية أحلام فيها تعيش
يا ورد عطرك منعش جميل
بس عن سحرك ما تلتهيش
ولو امتدت ليك الإيدين
أبقي قوية وما تخافيش
جميلة ولو ذبلانة
وورقاتك مذبوحة وزعلانة
حخليلك ذكرة يا وردة ولو متي
ح تبقى لقلبي ما تنتسي
2011/3/18
الوردة قالتلي مسكينة
قاعدة لوحدي وحزينة
بصيت ما لقيتش إخواتي
وبقيت لوحدي في حياتي
حياتي من غيرهم ما تساويش
في محبتهم عايزة أعيش
ووسط أهلي وناسي
الوردة اشتكتلي آه ياما
قالتلي آذيني ذبلانة
لهواء الحرية عطشانة
عايزاه هوا اللي يرويني
وطعم النصر يغذيني
مش فأس الظلم يقطعني
وبطش الوحوش يروعني
وغياب السلام يجوعني
امته الحرية تنعشتي
وترفرف عالية في سمانا
وتعود البسمة لشفايفنا
وترتاح ارواح شهدآنا

قالتلي ساجنيني عشان وردة
والضحكة عني غايبة وشاردة
عايزة ازرع حواليا الشوك
ادافع بيه لحد ما موت
ما احبش اكون الخسرانة
قالتلي آه يا ويللي غابت شمسي وطال ليلي
بس يمكن يكون النور جاي ولو اشتد الظلام علي
آذيني صابرة وبغني
رغم الجراح مواويلي
قلتلها يا وردة الصبر طويل
لكن أجره عن جد جميل
كفاياك أنك وردة
قلوبنا ليها بتميل
ريحتها بتريح نفسي
وشذاها سكني وبحكيلها همسي
آه منك آه يا وردة
يا ذبلانة وتايهة وشاردة
عايزة ليه تبقي قوية ما كلك رقة وحنية
جمالك في ضعفك ونعومتك
بكرة واليوم وحتى في امسك
ألوانك هيا اللي سحراني
ونشوة عطرك حاضناني
عايزة آخذك أضمك بإيديا
إنت عزيزة عالقلب عليا
بس يا وردة حا خليكي
في آمان الله بيحميك
ولا ايدين تمتد ليك
وحازرعك وين ما ح امشي
وحنبقى اصحاب يا وردة ولو بعدتي كثير عليا

الوردة قالتلي شايفة حروب
منها قلبي أنا مرعوب
قالتلي جوايا دموع
منها قلبي كثير موجوع
شايفة براعم صغيرين
خايفين وهما مساكين
خايفين تدعسهم الرجلين
ولا جد يشوفهم في البساتين
قالتلي ذنبهم هوا أيه؟
ولسه الشباب ما وصلوا ليه
ولا آثام عملتها إيديهم
ولا ليهم سيف حاربوا بيه
ليه زهرة شبابهم تنطفي
ضحكة شفايفهم تختفي
تذبل قلوب حبايبهم
آمهاتهم وقرايبهم
والسعادة بتمتحي
قلتلها هوا ظلم الأنسان
ومن بداية خلقه كان
أيده امتدت لاخوه
في لحظه الشيطان يغريه
وعنده يزينله عمايله واجرامه فيه
يقولوا فيها أنه الحق
وربي الحق اعلم بيه

الوردة قالتلي
في عيد ترابي وأمي
كنت عايزة ليها أغني
مش أبكي وأشكيلها همي
كنت عايزة أعمل قصيدة وأسرح
أنشر شذايا فيها وأفرح
وعطري منها يفوح وللصدور يشرح
بس لئيتني كئيبة
عن إخواتي كثير بعيدة
وكان يوم حر وشمسه لفحتني
وحروفي جوايا ذبحتني
وأمي بكيت ويايا
ترابي مليان ضحايا
حاسة بيهم في كل لحظة
وسقوط الباغي عزايا
قلتلها بس برضو حتنشديها
ولو طال الصبر بيها
عندي أمل أنا يا وردة
إنك حتعمليها قصيدة
وحتصدحي وتنشديها
ولو كان السبيل مقطوع
والقلب جواه موجوع
والحبايب متشتتين
في الجناين والبساتين
حيلتم تاني شملهم
وكل جرح ليه دوا
وكل رحيل له رجوع

» ♥♥ قدّم لنا وردة ♥♥