جسد بلا روح ..

دخان بينفخه ف اتجاه صوره معلقه .. بيرفع نضارته ..

ويزيد فيها تمعن ..يقرب عيونه منها ..لحد ما يلصق فيها ..



صوت رقيق ..عجباك ..؟؟



بيعدل وشه ع الصوت ..الصوره احلى بكتتتتييييير من الصوت الصوره بنفس رقه الصوت ..ملامح رقيقه ..ابتسامه بريئه ..هى دى كانت جميله اسم فعلا ع مسمى ..



بيرجع تانى يبص للصوره ..اه ..رقيقه ..ع اد ما فيها حزن بيجسده الرسام ع اد ما فيها رقه ..



جميله .. بتبص ع الصوره معاه ..بس سعات الحزن بيطفى ع كل حاجه جميله ..وبيموت كل حاجه رقيقه ..



يرجع بعيونه تانى ناحيتها ..المرادى زاد انبهاره بيها ..علق عيونه بعيونها العسليه ..احمر خدها ..وترجع بعيونها للوحه ..



جميله بتبص بعيد بعيونها ..لوحتى اللى هناك دى ..



الشاب بيبص ف اتجاه عيون جميله ..طيب تعالى نروحلها ..



جميله بأبتسامه رقيقه بضيف ع جملها جمال وببراءه الاطفال بتقول ..يلا ..



بيطلع سيجاره تانى من جيبه ..ويولعها ..

وينفخ دخانها ف اللوحه ..

ويديق عنيه ..ويقرب وشه من اللوحه ..

ويقول بصوت هادى ......



احلى بكتير من اللى هناك ..



جميله بصوتها الرقيق وابتسامه ع وشها ...دى مجامله صح كدا ..



الشاب ..لا طبعا مش مجامله ..دى الحقيقه ..انا اصلا مش بعرف اجامل ..



جميله ..ميرسى ..



الشاب ..بيبص علي عيونها ...وبيمد ايده ..اسمى امير ..



جميله بتمد اديها وتلمس اديه ..اهلا بيك يا استاذ امير ..اسمى جميله ..



امير ..بلاش القاب ..انا مش كبير اوى كدا ..انا عندى 23 سنه ..خريج هندسه ..شغال ف شركه المقاولون ..



جميله ..طيب يبق كبير عنى وعشان كدا بقولك استاذ ..انا 18 سنه ..ولسه بدرس فنون جميله ..



امير ...يرجع تانى يببص للوحه ..(( ف اللحظه دى حسيت بسعاده متتوصفش كأنى اول مره اتكلم مع بنت ..اصلها مش بنت دى ملاك ..

صعب انها تكون بشر ..اد ايه رقيقه اد ايه جميله ..هقول ايه ولا ايه ..))



جميله ..بتبص ف اتجاه عيون امير (( ياه ايدى تلجت بعد كا لمست اديك ..حسيت انك لمست قلبى بكلامك ..اد ايه كلامك موزون ..وجميل ..))



جميله ..انا مضطره اروح ..



امير ..هنتقابل تانى ؟؟



طلعت منى الجمله غصب عنى ..

طلعت ومحستش الا بوقعها ع ودانى ..

اول مره احس انى مش بفكر بعقلى ..بفكر بقلبى اللى كنت مخبيه ..

جميله ..لو لينا نصيب نقابل بعض هنقابل بعض ..



امير ..صح ..طيب انتى جامعه عين شمس ولا القاهره ..؟؟



جميله ..بتبتسم ..القاهره ..بعد اذنك ..



امير ..اتفضلى ..










ف اوضه ضلمه ...

مبقاش هو ..بق واحد تانى جسد من غير روح ...

روح ماتت ...وجسد بق فاكر بس الالم ..



بينفخ دخان سجايره ..

ويشرب مشروب اسود ..

مش حاسس بطعم الدنيا ..



....





جميله ..بدلع ..نفسى ف طلب ..



امير ..اطلبى يا اميرتى وانا تحت امرك ..



جميله ..ده وعد ..



امير ..بيقرب من وشها ..اه وعد ..



جميله ..تبطل سجااير ..وكمان قهوه ..



امير عيونه مثبته ع عيونها العسليه ..تفتكرى هرفض ؟؟



جميله ..ترفع كتافها ناحيه رقبتها ..



امير ...بيمسك اديها ..يبق مش هبق بحبك ..



جميله ..يعنى موافق ..



امير ..مممممممممممم



جميله ..ايه ؟؟



امير ..بيبوس اديها ..مش عايزه حاجه تانى ؟؟



جميله خدودها بتحمر ..عايزه سلامتك ..









بيقوم من مكانه ..

ويقف ف البلكونه ..ويحس بنسيم ساقع بيلامس خده ..

بتنفس بصعوبه ..

كان صدره عليه حجر كبير ..

يرجع لسريره ..اللى بق موطنه ..

بيقعد فيه اكتر ما بيقعد مع اى حد تانى ..

بيسند ضهره عليه ..

ويبص ع الشباك اللى كان بيدخل نسيم هوا ساقع ..

ويحرك الستاره بخفه ..ونور القمر داخل للارضيه اوضته ..









جميله ..انت عارف ان القمر مش بيبق كامل غير مره واحده بس ف الشهر ..



امير ..بيضحك ضحكه عاليه ..لا مكنتش اعرف ...



جميله ..بديق حواجبها ..بكلم جد ..



امير ..اه يا حبى عارف ..



جميله ..كل شهر بيختلف حال الناس ..كل شهر بتشوف القمر ع حسب حالتك النفسيه ..



امير ..طيب انتى شيفاه ايه النهارده ؟؟



جميله ..شيفاه مممممممم .... زى ما انا شايفه حبيبى ..



امير بيلف ايده حوليها ..وانا شايفه ان ده مش مكانه ..



جميله ..يا سلاام وفين مكانه بق ..



امير ..ده مكان حبيبتى ..











بتنزل دمعه ع خده ..بتحرق اكتر ما بتحرق النار ..

بيمسحها بأيده ..

ويمسك فنجاه قهوته ..ويلامس الفنجان شفايفه من غير ما يدوق طعم القهوه ..

يحط الفنجان تانى مكانه ..

ويقوم من مكانه ..يمسك علبه سجايره ..

ومفاتيح عربيته ..

يفتح باب اوضته ..يبص حوليه ..

مش شايف غير الضلمه حوليه ..

يفتح باب شقته ..ويخرج منها ..

يقف قدام عربيته ..









ازاى يعنى اللى بينا انتهى ..



متصعبش عليا الامور ..



مصعبش عليكى الامور ..جميله ..قوليلى ف ايه ؟؟



جميله ..مفيش يا امير ..عرفت ان احنا مش مناسبين لبعض ..



امير ..بالسهوله دى مش مناسبيبن لبعض ..



جميله ..اه ..



امير ..انا حبيبتك بجد يا جميله ..



جميله ..بتبعد عيونها عنه ..بس انا محبتكش ..



امير ..بيبص لعيونها ..اللى بتهرب من عيونه ..ازاى محبتنيش ..؟؟



جميله ..معرفتش افرق بين الحب والاعجاب ..



امير ..اعجاب ..بيمسك ايد جميله ويهزها ويعلى صوته ..والوعد اللى كان بينا ..



جميله ..بتبعد عيونها عن عيونه ..سيب ايدى لو سمحت يا امير ...



امير ..بيسب اديها بناء ع رجاها ..شكلى غلطت لما تخيلت انى ممكن ف يوم الايام اخليكى ام عيالى ..كنت هخلى ام عيالى خااينه ..



جميله ..بصوت مخنوق ...انا مخنوتش بس الحب مش بأدين البشر ..



امير ..كنت بقول عليكى ملاك ..طلعتى مجرد انسانه عايزه تضيع وقت ..



جميله ..بتبص للارض ..



امير ..بس هقولك كلمه قبل ما نسيب بعض ..



جميله ..عيونها باصه لنفس النقطه اللى موجوده ف الارض ..



امير ..مش هعذبك يا جميله ..خلاص هدوس ع قلبى ..وهنساكى ..هعتبر انك كنتى بتمرى بمرحله مراهقه ..وكنت انا بطلها ..ياريتنى انا اقدر انساكى ..بتنزل دمعه من عيونه ..ع خده ..



بيقف قدام عربيته ..ويبصلها بصه اخيره ..

وبصوت هادى ..كنت فاكرك بتحبينى بجد ..

عشان كدا كنت بضحى بالكل عشانك انتى ..

نفسى ف يوم من ضمن الايام اقدر انساكى ..

ياريتنى بسهوله اقدر اقول كانت ..



بيفتح باب عربيته ..

وبيدورها ..



ويقف قدام مكان ضلمه ..

مكان بيخطف الروح ..

بتحس فيه انك مش بتتنفس ..

مش بتسمع غير دقات قلبك ..

والخوف بيجرى ف شرياينك بدل دمك ..

بيمسح دموعه ..



ياريتنى كنت قادر سعتها افهمك ..

كنت بقول انى بفهمك من نظره عيونك ..



ليه يا جميله خبيتى عليا انك تعبانه ..

ليه سبتينى اعيش الماضى ف الحاضر ..



انا محتاجلك اوى يا جميله ..

انا مش عايش ..

مش قادر ..

انا اسف ..ياريتنى فهمتك ..

بس ليه يا جميله مخلتنيش اقف جبنك ..

كنتى فاكره كدا انك هتخلينى انساكى ..



بينزل ع رجليه ..وعيونه بتنزل دموع ..

كانها نار بتكوى بيها قلبه ..

قلبه اللى مبقاش فيه غير ..

الالم والندم والاسف ..









وحشتينى اوى يا جميله ..

وحشتسنى يجنون ..

لو اطول ابق معاكى دلوقتى هبق معاكى ..



يرضيكى يا جميله تسبينى ..

طيب ليه مقولتيش ..

كنا هنبق كتف بكتف ..



بيقوم من مكانه ..

ويمسح دموعه ..



جميله ..بتعمل ايه ؟؟



امير ..بكتبلك جواب ..



جميله بتضحك ضحكه رقيقه ..جواب ايه بق ..؟؟



امير ..جميله افرض موت ؟؟



جميله عيونها بتتملى دموع ..بعد الشر ..ليه بتقول كدا حرام عليك ..



امير ..بأبتسامه ..بتخافى عليا ..



حميله ..عيونها لسه مليانه دموع حبساها ..بخاف عليك اكتر من نفسى ..ياريتنى اموت قبليك ..انا مقدرش اعيش من غيرك ..



سبيتنى جسد بلا روح ..

كنتى روحى ..وسبتينى ..

عايش ف الحاضر ..ومعاكى ف الماضى .

...



هتفضلى جوه قلبى ..

بحبك ..










.."" جميله ......."