شويه افكار للمطبخ

1- قبل ما نسلق الفراخ ( او اى طيور اخرى ) لازم ننقعها شويه فى ميه و كمون و ليمون و ده بيشيل اى ظفاره خالص
و لو نحب نعمل طعم احلى نبشر بصله و طماطمايه مع حبه ملح و فلفل و نحشى الجزءين الى بين الوراك مش كل الفرخه
و صدقونى ممكن تاخد شويه سوا زياده لكن فى النهايه هتكون حلوه جدا جدا و جوزك مش هينسى طعمها ابدا و ده لانها مملحه من جوا

2- كمان لو انتى عامله محشى النهارده و فاض منه و عايزين تكلوا منه تانى يوم و مش عارفه تسخنيه
هاتى حله فيها شويه ميه و عليها مصفى كبيره ( فيها كل المحشى الى عندك اى نوع ) و حطيهم على النار و غطيهم كويس ( حمام بخار يعنى ) صدقينى اما يسخن كويس هتلاقى طعمه كانك لسه عملاه و سخن كويس من غير ما يلزق او تطرى تحطى سمنه و كلام من ده و جوزك هيعجبه جدا


3-اى اكل بتعمليه و حاسه ان الوقت سرقك و اتاخرتى زى الرز مثلا حطى عليه ميه مغليه ( علشان يتشرب ) و غطى الحله بورق فويل و بعدين عليهم الغطا ( لان الورق الفويل بيضاعف الحراره و يسوى الللاكل اوااام)


4-الملوخيه اما بنجى نخرطها بتتنعكش مننا و تملا الدنيا طيب ما تيجى نجيب كيس نضيف و كبير و نحط جواه الملوخيه و نخرطها من بره الكيس بعد ما نقفله كويس صدقونى بتبقى هايله و كمان المكان و ايديكى نضاف


5- اما نشترى الفراخ نعمل فيها كدا

ناخد الكبد و القوانص و نحطهم فى كيس فى التلاجه
و ناخد الاجنحه و برضه نحوشها فى التلاجه
و بعدين كل مره نجيب فراج نعمل فيها كده و نحوش الحاجات دى مع بعضها ( لان الكبد و القوانص مسلوقه مش بتلاقى اقبال قوى ) لحد ما نيجى اخر الشهر و نلاقى عندنا كيس حلو كده يكسر الروتين و كمان لو عندنا اطفال ممكن يوم باليل نعمل لهم ( الوينجز ) الى احنا شايلنها و بالهنا و الشفا


6- اذا كنتى يا فتوكه نفسك تعملى صلصه طماطم من غير قشر بطريقه سهله و سريعه حطى الطماطم و هى لسه صحيحه فى شويه ميه سخنه و هى هتنتر القشره من نفسها و بكده تقدرى تعصريها من غير قشر و تكون جاهزه للطبخ

[center]