بحبها اه اتجوزها نو

كلامي ده مش ع كل الولاد واديني بقول من الاول لان متوقعة الردود ال هتيجي

كل واحد هيقولي لا انا عن نفسي معملمش كده عمري عمري عمري

والـ هيقول لا ده تفكير متخلف وانا برده عمري ما اعمل كده عمري عمري عمري

يا عم عارفين كل الشباب هنا زي الفل وعمرهم عمرهم عمرهم ما يعملو كده

انا هنا بتكلم مع ال بيعمل كده موضوعنا باين احبها اه واتجوزها لا

طب ليه ؟ ليه تحبها وتضيع معاها كام سنة من عمرك ولو السنين دي مش فارقة معاك

اكيد فارقة معاها ما هي ضيعتهم عشان بتحلم بالبيت والاسرة والاستقرار وانت بتيجي

بكل بساطة تعمل خناقة وتسيبها عشان متجوزش واحدة مشيت معاها طب وهو مين ال مشي

مش انت ولا واحد تاني ؟؟؟؟؟ ليه بتروح تدور ع واحدة متعرفهاش ويبقي جواز صالونات

اال يعني هتجوز قطة مغمضة ومين قالك يا فالح ان دي مش ممكن تكون مشيت مع طوب الارض

؟؟؟؟؟؟؟؟؟؟ مش جايز ملبساك العمة معرفش يعني ايه بس اهي كلمة بسمعها

نرجع لمرجوعنا ... جايز ولله تكون شاطرة وعرفت تضحك عليك ودبستك وهي قابلك عملت كل حاجة

وال انت بتحبها ممكن تكون محبتش غيرك انت جايز برده ..

ليه مبقاش عند الشباب ثقة في البنات هو اينعم عندكم حق من البنات بتعمله مينفعش

يبقي فيهم ثقة بس طبعا مش كلهم والكلام ده بيبان مع الوقت لو بتحب واحدة محترمة

وكويسة هيبان ولو هي بت اي كلام هيبان برده ...

مش موضوعنا ليه بجد الشاب يمشي مع بنت وهو نيته يتسلي بيها ؟ مش هقولك زي

اختك وميصحش وعيب والكلام ده لانه مبقاش ياثر فيهم بس هقولك هتروح من ربنا فين

حسبي الله ونعم الوكيل

انا بس عايزة اعرف ليه بتعملو كده لييييييه هتستفاد ايه قولي بتضييع وقت

ما تضيع وقت ف اي حاجة غير التسلية ببنات الناس ولا عشان هي ادتك الفرصة وصدقتك

هتسووق فيها ويبقي اللوم والعيب عليها هي هي البنت وحشة هي ال بتتسلي هي ال محدش عرف يربيها

ولله فعلا انا كنت بكلم مع ناس وسمعت منهم الكلام ده يقولك انا مش مقدرش اجوز واحدة مشيت معاها

هتمشي مع غيري زي ما مشت معايا ما اهي مشت معاك عشان بتحبك لا وال يغيظ يقولك انا بحبها مووت

ومقدرش استغني عنها سؤال تاني مستفز ليه هتسيبها الرد بقي

المشكلة انها بكدا مش محترمة ومتستاهلش تكون مراتي لانها سمحت لنفسها تحب واحد وتكلمو

وتخرج معاه ومفيش -اى حاجة رسمية مابينهم

طب يبني ما هو لازم ترتبط باللى ناوى تتجوزها عشان تعرفو بعض كويس قبل مايكون فية بينكم

اى حاجة رسمية-

امال انت ناوى تتجوز ازاى

لا انا يوم ما هتجوز عمرى ما اتجوز واحدة مشيت معاها في يوم

لو اتكلمت لحد بكرة مش هخلص كلام انا رغاية اوي

عايزة اعرف راي الشباب ولو حد رايه زي راي الناس دي ياريت يقنعننا ليه ؟

ويكلم بصراحة وميخافش مش هروح اقول للجو

وطبعا البنات برده عايزة اسمع رايها

زائر

اولا يعطيك العافيه
ثاني شي ان الرجال مو زي بعض فيهم الزين وفيهم الشين
يعني زي النساء فيهم الحلوه وفيهم القبيحه
واتوقع ان الحب اذا كان موجود اهو الي يغير مجرى حياة كل شخص
وصراحه الله يكون في كون الرجال على النسوان
هههههههههههههههههههههه لا تزعلون عليه يا بنات

اولا انا عايز اعرف الاخت اميرة فى اول المقاله حاسس انها هتضرب حد وهيا بتكتب
ما هو انا لازم اعلق على اى حاجة
ثانيا
ممكن يحصل حب بين اى شاب وفتاة عادى بس ميبقاش فى نصيب ليه؟
جايز الشاب مش قادر يبنى عيله دلوقتى وظروفه متسحمش
جايز البنت بردو جالها عريس واهلها موافقين
جايز الشاب يطلع زى ما انتى بتتكلمى كدا ويخلع
دى افتراضات

انا عن نفسى لو ظروفى تسمح انى اتجوز اللى بحبها هتجوزها
واسف على كتر كلامى
وميرسى على موضوعك الجميل
نصيحة بلاش تتنرفزى كدا تانى

توبيك جميل بس الشباب الوقتي كلهم يقولوا انهم عمرهم ما يتجوزا بنت ميشت معاهم لانها اكيد مشيت مع غرهم